Kanadanyň milli ýygyndysy hokkeý boýunça dünýä çempionatynyň çempiony boldy. Final duşuşygynda kanadaly hokkeýçiler Finlýandiýanyň milli ýygyndysyny ýeňdiler.
Duşuşyk esasy wagta goşulan goşmaça wagtda kanadalylaryň geçiren şaýbasy bilen 3:2 hasabynda tamamlandy.
Kanada üçin bu çempionlyk taryhyndkay 27-nji çempionly boldy. Latwiýanyň Riga şäherinde geçirilen bu çempionata Kanada güýçli hokkeýçiler bilen hem gelmedi. Çempionatyň dowamynda toparçadaky ilkinji 3 duşuşykda ýeňlişe sezewar bolan Kanadanyň milli ýygyndysy soňra has erjel oýun görkezip, birinjiligi eýelemegi başardy.
Olar pleý-off tapgyrynda Russiýanyň hem-de ABŞ-nyň milli ýygyndylaryndan üstün çykdy.
Şeýlelikde, Kanada bilen Russiýa (SSSR) hokkeýde iň köp çempion bolar ýygyndylardyr. Russiýa 5 gezek, SSSR bolsa 22 gezek dünýä çempiony bolupdy.
2022-nji ýylda hokkeý boýunça dünýä çempionaty Finlýandiýanyň Helsinki we Tamper şäherlerinde 13-29-njy maý aralygynda geçiriler. 2023-nji ýylda bolsa bu ýaryşy Russiýanyň Sankt-Peterburg şäherinde geçirmek göz öňünde tutulýar.