“Mançester Ýunaýtediň” portugaliýaly ýyldyzy Bruno Fernandes toparda “ýylyň iň gowy oýunçysy” diýlip yglan edildi.
Bruno Fernandes Angliýanyň “Premýer Liga” toparlaryndan biri bolan “Mançester Ýunaýted” toparyndaky ajaýyp çykyşy bilen janköýerleriň söýgüsini gazanmagy başardy. Şeýlelikde tejribeli futbolçy “toparyň iň gowy oýunçysy” diýen baýraga mynasyp boldy.
Klubyň beren beýanatyna görä, fewral aýynda “Mançester Ýunaýted” toparyna goşulan 26 ýaşly portugaliýaly oýunçynyň janköýerleriň sesleri bilen “ýylyň futbolçysy” hökmünde saýlanandygy mälim edildi. Fernandes bilen bir hatarda toparyň fransuz futbolçysy Entoni Martial ikinji, iňlis oýunçysy Markus Reşford üçünji ýeri eýeledi. “Mançester Ýunaýted” toparynyň lybasyny geýip 22 oýna gatnaşan Fernandes 12 gezek topy tora salmagy başardy.
Global pandemiýa şertleri tamamlanandan soňra haýsy ýurda syýahata gitsem diýýänler we syýahat etmegi söýýänleriň sahypasy
