Russiýa Federasiýasynyň Tatarystan Respublikasynyň «KamAZ» AGPJ Türkmenistanyň Döwlet ýangyn howpsuzlygy müdirligi üçin täze ýangyn söndüriji ulaglaryň ýene-de 74 sanysyny iberer. Bu barada «Trend» kompaniýanyň sebit boýunça wekili Marat Garifuliniň maglumatyna salgylanyp habar berýär.
Täze ulaglar «KamAZ»-dan şu ýylyň hasabyna gelip gowuşjak ikinji tapgyr bolar. Iýul aýynda 47 sany ýangyn söndüriji ulag ýurdumyza getirilipdi.
Kompaniýa bilen baglaşylan şertnama laýyklykda, bu ýerde öndürilýän ýük we beýleki maksatlar üçin «KamAZ»-lar hem ýurdumyza ugradylar. Umuman, diňe 2020-nji ýylyň hasabyna «KamAZ»-dan Türkmenistana 690 awtoulag geler. Indiki ýylyň ahyryna çenli bolsa olaryň sany 1982-ä çykar.