Fransiýanyň «Carmat» kompaniýasy dünýädäki ilkinji doly emeli ýüregiň satuwyna badalga berer. Enjam ýürek ýetmezçiliginden ejir çekýän hassalar üçin ýürek transplantasiýasy hökmünde ulanylýar.
«Bu emeli ýürek talaplary doly ödäp biler. 2030-njy ýyla çenli Ýewropadaky ýyllyk ýürek söwdasynyň 700 million ýewro ýetmegine garaşylýar» diýip, «Portzamparc»-yň bilermeni Muhammet Kaabuni täze emeli ýürek baradaky pikirlerini beýan etdi.
Emeli ýüregiň 2021-nji ýylyň ikinji çärýeginde satlyp başlanmagyna garaşylýar. Kompaniýa Ýewropadaky satuw üçin ähli zerur rugsatnamalary aldy.
Aslynda, emeli ýüregi döretmek boýunça işler mundan 27 ýyl ozal başlandy. 1993-nji ýylda kardiolog Allen Karpentier fransiýaly senagatçy Žan Lýuk Lagarder bilen bu baradaky pikirini paýlaşdy. «Matra» atly howa giňişligi enjamlary kompaniýasynyň eýesi Lagarder munuň üçin alym-lukmana zerur şertleri döredip berdi. Şeýlelikde, uzak ýyllaryň dowamynda alnyp barlan işler netijesini berdi.
Hünärmenleriň teswirlerini okamak üçin bu sahypamyza yzygiderli gelip duruň!
