Şu gün Türkiýäniň Stambul şäherinde UEFA-nyň Çempionlar ligasynyň 2021/2022-nji möwsüminiň bijeleri çekildi. Şol bije çekilişik dabarasynyň çäklerinde 2020/2021-nji möwsümiň iň gowy futbolçysy hem-de iň gowy tälimçisi hem saýlandy.
Şoňa laýyklykda, Angliýanyň “Çelsi” toparynyň hem-de Italiýanyň milli ýygyndysynyň ýarym goragçysy Žoržinýo 2020/2021-nji möwsümiň iň gowy futbolçysy saýlandy.
Bu tomus 29 ýaşly oýunçy, bir ýylda ÝEWRO we UEFA Çempionlar ligasynda ýeňiji bolan 10-njy futbolçy boldy. Žoržinýo ses berişlikde “Mançester Siti” toparynyň ýarymgoragçysy Kewin de Bruýneden hem-de topardaşy N’Golo Kanteden sähelçe öňe saýlandy.
BEÝLEKI BAÝRAKLARA MYNASYP BOLANLAR
Möwsümiň zenan oýunçysy: Aleksiýa Putellas (“Barselona”)
Möwsümiň iň gowy erkek tälimçisi: Tomas TuHel (“Çelsi”)
Aýal-gyzlar futbolynda möwsümiň iň gowy tälimçisi: Lewis Kortez (“Barselona”)
UEFA Çempionlar ligasynyň iň gowy derwezeçisi: Eduard Mendy (“Çelsi”)
Çempionlar ligasynyň iň ýokary goragçysy: Ruben Dias (“Mançester Siti”)
Çempionlar ligasynyň iň gowy ýarymgoragçysy: N’Golo Kante (“Çelsi”)
UEFA Çempionlar ligasynyň iň gowy hüjümçisi: Erling Holann (“Borussiýa Dortmund”).