Türkmenistanyň Horwatiýa Respublikasyndaky Adatdan daşary we Doly ygtyýarly Ilçisi (oturýan ýeri Buharest ş.) A.Annaýewiň Horwatiýa Respublikasynyň Ykdysadyýet ministrliginiň Döwlet sekretary, hökümetara Türkmen-Horwat bilelikdäki toparyň horwat tarapynyň başlygy jenap Goran Romek bn duşuşygy geçirildi.
Gepleşikleriň esasy mowzugy, şu ýylyň ikinji ýarymynda Aşgabatda geçirilmegi meýilleşdirilýän Hökümetara Türkmen-Horwat Ykdysady hyzmatdaşlyk boýunça toparynyň nobatdaky 4-nji mejlisine taýýarlyk bilen baglanyşykly meseleleriň ara alnyp maslahatlaşylmagy boldy.
Taraplar Hökümetara toparyň geçiriljek duşuşygynyň iki ýurduň arasynda özara peýdaly söwda we ykdysady hyzmatdaşlygy ösdürmekde we iki ýurduň işewür toparlarynyň arasyndaky gatnaşyklary giňeltmekde möhüm orna eýe boljakdygy bellendi. Şu nukdaýnazardan A.Anaýew işewürlik forumlaryny geçirmek tejribesini dowam etdirmegi, şeýle hem Aşgabatda Horwatiýa kompaniýalarynyň we Zagrebde türkmen önümleriniň söwda we ykdysady sergilerini guramagy teklip etdi.
Ara alnyp maslahatlaşylan meseleleriň arasynda syýahatçylyk pudagyndaky hyzmatdaşlyga degişli üns berildi. Türkmen tarapy, Horwatiýa Respublikasynyň ajaýyp şypahanalary we täsin tebigy ýerleri bilen bütin dünýäde tanalýandygyny belläp, Horwat tejribesini öwrenmegi we degişli edaralar bilen ýakyn aragatnaşyk ýola goýmagy, şeýle hem iki ýurduň syýahatçylyk operatorlarynyň arasynda göni aragatnaşyk gurmagy teklip etdi.
Duşuşygyň ahyrynda taraplar Türkmenistan bilen Horwatiýa Respublikasynyň arasyndaky özara peýdaly hyzmatdaşlygy has-da giňeltmek we güýçlendirmek, täze geljegi uly ugurlara we taslamalara girmek baradaky özara gyzyklanmasyny tassykladylar.