3-nji aprelde Ýokary liganyň futbol klublarynyň ýaşlar düzümleriniň gatnaşmagyndaky futbol boýunça Türkmenistanyň birinjiligi badalgasyny alar.
Toparlaryň 8-siniň gatnaşmagynda geçiriljek ýaşlar çempionaty dört aýlawdan ybarat bolar.
Uly toparlarda bolşy ýaly duşuşyklaryny öz meýdanynda hem-de myhmançylykda geçirjek ýaşlar düzümleriniň oýunlary uly toparlaryň geçirýän oýunlarynyň bir gün öňüsyrasy oýnalar.
Ýeri gelende bellesek, geçen möwsüm ýaşlaryň arasyndaky birinjilik Arkadag şäheriniň “Arkadag II” toparynyň ýeňşi bilen tamamlanypdy.
Bellik: Türkmenistanyň futbol çempionatynyň birinji hem-de ikinji aýlawlarynyň senenamasyny çap edýäris.
2026-njy ýylyň Ýokary liga futbol klublarynyň ýanyndaky ýaşlar (dublýorlar) toparlarynyň
arasyndaky futbol boýunça Türkmenistanyň Birinjiligine gatnaşýan toparlar
| 1. | “ARKADAG II” futbol topary | Arkadag şäheri |
| 2. | “Ahal II” futbol topary | Ahal welaýatynyň Änew şäheri |
| 3. | “Altyn Asyr II” futbol topary | Aşgabat şäheri |
| 4. | “Aşgabat II” futbol topary | Aşgabat şäheri |
| 5. | “Nebitçi II” futbol topary | Balkan welaýatynyň Balkanabat şäheri |
| 6. | “Köpetdag II” futbol topary | Aşgabat şäheri |
| 7. | “Şagadam II” futbol topary | Balkan welaýatynyň Türkmenbaşy şäheri |
| 8. | “Merw II” futbol topary | Mary welaýatynyň Mary şäheri |