Koronawirus çäklendirmeleri sebäpli «UEFA 2021» 19 ýaşa çenli ýaşlaryň arasynda geçirilýän Ýewropa çempionatyny ýatyrmagyň kararyna geldi. Bu barada guramanyň resmi web saýtynda aýdylýar. 19 ýaşdan aşakda bolan ýaş erkek türgenleriň arasynda geçirilmegi meýilleşdirilen ýaryş Rumyniýa döwletinde 2021-nji ýylyň 30-njy iýundan 13-nji iýul aralygynda, zenanlaryň arasynda bolsa Belarusda şu ýylyň 21-nji iýuldan 2-nji awgusta çenli geçirmegi meýilleşdirilipdi. Oktýabr aýynyň başynda UEFA tarapyndan Demirgazyk Irlandiýada geçirmek meýilleşdirilen 2019/20 Ýewropa ýaşlar futbol çempionatynyň saýlama we jemleýji tapgyrlary hem ýatyrylypdy.
UEFA-nyň Ýerine ýetiriji komiteti COVID-19 pandemiýasy we bäsleşige edýän täsiri sebäpli çempionaty ýatyrmak kararyna geldi. Geňeşler, milli birleşikler bu karary goldady diýlip, habarda bellenilip geçilýär.
Şeýle hem, UEFA Ýerine ýetiriji komiteti Belarusdaky epidemiologiki ýagdaý bilen baglanyşykly 28-nji aprelden 3-nji maý aralygynda Minskde geçiriljek 2020/21 Futzal Çempionlar ligasynyň jemleýji tapgyry üçin ätiýaç ýer tapmak kararyna geldi we netijede ýaryşy Horwatiýanyň Zagreb şäherinde geçirmek meýilleşdirildi.
Siz habarlar saýtymyza girilen dessine Size bildiriş gelmegini isleýän bolsaňyz onda “Atavatan Türkmenistan” halkara žurnalynyň www.atavatan-turkmenistan.com saýtynyň ýakynda hyzmata giren Android ulgamynda işleýän Applikasyýasyny şu ýere basyp ýa-da aşakdaky suratyň üstine basyp öz telefonyňyza ýükläp alyň! Eger Siz bu habary kompýuteriň üsti bilen okaýan bolsaňyz, el telefonyňyzyň Google Plaý dükanyndan “Atavatan Turkmenistan” ýazyp biziň Applikasyýamyzy indirip mugt alyp bilersiňiz!
