Hytaý Halk Respublikasynyň paýtagty Pekin şäherinde Halkara hyzmat we söwda (CIFTIS-2020) atly söwda ýarmarkasy geçirilýär. Bu söwda ýarmarkasynyň çäklerinde guralan Syýahatçylygy ösdürmek we hyzmatdaşlyk etmek boýunça Bütindünýä maslahatyna Bütindünýä syýahatçylyk şäherleri federasiýasynyň çakylygy boýunça Türkmenistanyň Hytaýdaky Adatdan daşary we Doly ygtyýarly ilçisi Parahat Durdyýew we söwda wekili Ş. Batyrow gatnaşdy.
Şu ýylyň 4-nji sentýabryndan 9-njy sentýabryna çenli adamlary gatnaşmagynda we onlaýn usulda geçirilen CIFTIS-2020 sergisine 18 müň hytaýly we daşary ýurt kärhanalaryndan hem-de edaralardan 100 müňden gowrak adam gatnaşýar. 8 tematiki pudakdan ybarat sergi 200 müň inedördül metr meýdanda ýerleşdirildi.
4-nji sentýabrda hyzmatlar söwdasy boýunça bütindünýä sammiti geçirildi, oňa tanymal syýasatçylar, halkara guramalarynyň wekilleri we dünýäniň 500 iri kompaniýasynyň wekilleri, şeýle hem öňdebaryjy ýöriteleşdirilen hünärmenler gatnaşdy. Hytaýyň Başlygy Si Szinpin gatnaşyjylara wideo baglanyşygy arkaly ýüzlendi.
Türkmen Syýahatçylygy Tanyşdyryldy
Bu iri forumyň çäklerinde Syýahatçylygy ösdürmek we hyzmatdaşlyk etmek boýunça Bütindünýä maslahaty geçirildi. Oňa BMG Bütindünýä Syýahatçylyk Guramasynyň (UNWTO), ŞHG we ITFG guramalarynyň wekilleri, Pekiniň häkimi we wise-häkimi, Türkmenistanyň, Kolumbiýanyň, Gruziýanyň diplomatlary, hyzmatlary hödürleýän dürli kompaniýalaryň ýolbaşçylary gatnaşdy.
Türkmenistanyň ilçisi, syýahatçylyk pudagyna maýa goýumlaryna we diwersifikasiýa bagyşlanan forumyň jemleýji mejlisinde çykyş etdi, şeýle hem şertnama gol çekişlik dabarasynyň hormatly myhmany boldy.
Türkmenistanyň diplomatik wekilhanasynyň başlygy öz çykyşynda hormatly Prezidentimiziň başlangyjy bilen geçirilen giňişleýin özgertmelere we esasanam taryhy we medeni mirasyň ýadygärlikleri we tebigy gözel ýerleri bolan ýurdumyzyň syýahatçylyk mümkinçiliklerini durmuşa geçirmek çärelerine ünsi jemledi.
BMG Baş Assambleýasy milli Liderimiziň başlangyjy bilen 2021-nji ýyly Halkara Parahatçylyk we Ynanyşmak ýyly diýlip yglan edilendigini belläp, ilçi Türkmenleriň bitaraplyk modeliniň halkara gatnaşyklarynda nusga we sebitde durnuklylygyň möhüm faktoryna öwrülendigi nygtady.
Forumyň çäginde Türkmenistanyň ilçisi WTCF-iň Baş sekretary Çen Dong bilen duşuşdy, bu ýerde özara gatnaşyklaryň geljegi we ýurdumyzyň beýleki şäherleriniň gurama goşulmak mümkinçiligi ara alnyp maslahatlaşyldy. Parahat Durdiýew, Çen Donga milli Liderimiziň hytaý dilindäki “Atda wepa-da bar, sapa-da” atly kitabyny sowgat etdi.
Bulary hem okap bilersiňiz
Ýurdumyzda we dünýäde bolup geçýän ykdysadyýete degişli täzeliklerden “habardar” bolmak isleýän bolsaňyz, bu sahypa Siziň üçin!
