JEMGYÝET

Türkmenistanyň Prezidenti Minnihanowy gutlady

Şu gün Türkmenistanyň Prezidenti Gurbanguly Berdimuhamedow bilen Russiýa Federasiýasynyň Tatarystan Respublikasynyň Prezidenti Rustam Minnihanowyň arasynda telefon arkaly söhbetdeşlik boldy. Türkmen döwletiniň Baştutany tatarystanly kärdeşini ýurtda geçirilen prezident saýlawlarynda gazanan ýeňşi bilen ilkinjileriň hatarynda gutlady. Bu barada Tatarystan Respublikasynyň Prezidentiniň metbugat gullugy habar berýär.

Söhbetdeşligiň barşynda taraplar bilelikdäki ykdysady taslamalaryň geljegini hem ara alyp maslahatlaşdylar. Aýdylyşy ýaly, türkmen-tatar gatnaşyklary mundan beýläk hem ýokary depginde dowam etdiriler.

Prezident Rustam Minnihanow mähirli gutlaglary üçin türkmen döwletiniň Baştutanyna çäksiz minnetdarlyk bildirdi we türkmen halkyna abadan ýaşaýyş baradaky arzuwlaryny ýollady.

Tatarystan Respublikasynda geçirilen Prezident saýlawlarynda bu wezipeden ozaldan bäri işläp gelýän Rustam Minnihanow ýene-de sesleriň 83,28 göterimini alyp ýeňiş gazandy. Onuň kasam kabul ediş dabarasy 18-nji sentýabrda geçiriler.

 

Umumy Sahypamyz

Siz bu sahypada gündelik syýasata degişli habarlary okap bilersiňiz!

 

Ýene-de okaň

BMG-niň baş binasynda Halkara parahatçylyk we ynanyşmak ýylyna badalga berildi

RESMI HABARLAR

Türkmenistanyň Ministrler Kabinetiniň mejlisi

Türkmenistanda Owganystanyň önümleriniň sergisi geçiriler

Ýylyň şygaryna bagyşlanan dabaraly maslahat

Türkmenistanda 2025-nji ýylda geçiriljek halkara çäreler