3-nji martda Türkmenistanyň Futbol federasiýasynyň Kubogy ugrunda geçiriljek nobatdaky ýaryşyna badalga berler.
Kubok ugrundaky bäsleşige sekiz topar gatnaşar: “Arkadag” (Arkadag şäheri), “Ahal” (Ahal welaýatynyň Änew şäheri), “Şagadam” (Balkan welaýatynyň Türkmenbaşy şäheri), “Merw” (Mary welaýatynyň Mary şäheri), “Aşgabat” (Aşgabat şäheri), “Nebitçi” (Balkan welaýatynyň Balkanabat şäheri), “Köpetdag” (Aşgabat şäheri) hem-de 20 ýaşa çenli Türkmenistanyň ýaşlar ýygyndy topary. Ýaryşyň ýeňijisi 12-nji martda belli bolar.
Geçirilen bije çekişligiň netijesinde “A” toparçada “Köpetdag”, “Ahal”, “Şagadam”, “Nebitçi” toparlary, “B” toparçada bolsa U-20, “Arkadag”, “Aşgabat” hem-de “Merw” toparlary bäsleşmäge mümkinçilik aldylar.
Deslapky tapgyrda toparlar iki toparça — “A” we “B” toparçalaryna bölüner. Her toparçada ilkinji iki orny eýelän toparlar ýarymfinala çykmaga hukuk gazanar. Üçünji we dördünji orunlary eýelän toparlar bolsa 5–6-njy hem-de 7–8-nji orunlar ugrunda duşuşyklary geçirerler.
Duşuşyklaryň ählisi paýtagtymyz Aşgabat şäherindäki “Aşgabat” köpugurly stadionynyň merkezi meýdanynda geçiriler.