Ykdysady hyzmatdaşlyk boýunça bilelikdäki türkmen-eýran toparynyň 17-nji mejlisine we EYR-nyň «Iran Prože» atly Ýöriteleşdirilen sergisine gatnaşmak üçin ýurdumyza gelen Eýran Yslam Respublikasynyň Ýol we şähergurluşyk ministri Mehrdad Bazrpaşyň ýolbaşçylygyndaky wekiliýet birnäçe ikiçäk duşuşyklaryny geçirdi.
“Watan” habarlar gepleşiginde bellenilip geçilişi ýaly, “Türkmengaz”, “Türkmennebit”, “Türkmenhimiýa” döwlet konsernileriniň hem-de “Türkmengeologiýa” döwlet korporasiýasynyň ýolbaşçylary bilen Eýranyň Yslam Respublikasynyň Nebit ministriniň orunbasary, Eýranyň Milli gaz kompaniýasynyň ýerine ýetiriji direktory we bu kompaniýanyň degişli beýleki ýolbaşçylary gatnaşdylar.
Duşuşykda Türkmenistan bilen Eýranyň arasynda gaz pudagyndaky hyzmatdaşlyk gatnaşyklary ara alnyp maslahatlaşyldy. Munuň özi ýakyn wagtda söwda-ykdysady düzümiň gaz pudagynda türkmen-eýran gatnaşyklarynyň hil taýdan täze derejä çykmagyna üpjün eder, özara haryt dolanyşygynyň mukdary artdyrar.
Ykdysady hyzmatdaşlyk boýunça bilelikdäki türkmen-eýran toparynyň 17-nji mejlisiniň çäklerinde ýangyç-energetika ulgamynda hyzmatdaşlygy ösdürmek babatynda türkmen tarapy “Körpeje-Gurtguýy” ugry boýunça Eýran Yslam Respublikasyna ugradylýan türkmen tebigy gazynyň möçberlerini artdyrmaga taýýardygyny nygtady.