Türki Döwletleriň Guramasynyň (TDT) döwlet Baştutanlary kosmos işi ulgamyndaky hyzmatdaşlygy ösdürmegi ilkinji nobatdaky wezipe hasaplaýarlar.
Bu barada TDT-niň resmi däl sammitiniň jemleri boýunça kabul edilen Türkistan jarnamasynda bellenilýär.
Resminamada: “Kosmos işi ulgamyndaky hyzmatdaşlygyň barha artýan ähmiýetini ykrar edýäris we tehnologik hyzmatdaşlygy berkitmäge, ylmy we hünärmenler mümkinçiliklerini ösdürmäge, şeýle hem TDT-ä agza döwletleriň arasyndaky hyzmatdaşlygy we integrasiýany çuňlaşdyrmaga gönükdirilen ortak başlangyçlar arkaly muny agza döwletleriň arasyndaky özara täsiriň ilkinji nobatdaky ugurlarynyň biri hökmünde kesgitleýäris” diýlip aýdylýar.
Mundan başga-da, sammite gatnaşyjylar nano emeli hemralar synpyna degişli bolan “CubeSat-12U” ylmy kosmos aparatyny işläp düzmek we ony ýerde synagdan geçirmek boýunça TDT-niň çäklerinde dowam edýän bilelikdäki taslamany gutladylar we muňa netijeli köptaraply hyzmatdaşlygyň nusgasy hökmünde garadylar.