Ýerli hususy işewürligiň wekilleriniň gazananlaryna we Milli Bahar baýramyna bagyşlanyp geçirilýän sergi babatda paýtagtyň ýaşaýjylarynyň bildiren uly gyzyklanmasy bilen baglylykda Senagatçylar we telekeçiler birleşmesi serginiň işini 23-nji marta çenli dowam etjekdigini yglan edýär. Bu barada Senagatçylar we telekeçiler birleşmesiniň resmi internet sahypasynda bellenilýär.
Ýöriteleşdirilen sergi Söwda-senagat edarasynyň Sergi merkezinde geçirilýär hem-de öndürilýän önümleriň we hyzmatlaryň giň gerimini görkezýän iki ýüze golaý diwarlyklary birleşdirýär.
Adatça, bu serginiň 2 gün ýagny 17-18-nji mart aralygynda dowam etdirilmegi göz öňünde tutulypdy. Ýöne ýurdumyzda Milli Bahar baýramynyň giň gerimde bellenilýän günlerinde serginiň işiniň möhletiniň uzaldylmagy hoş habar bolup durýar.