Şu gün Türkmenistanyň Ylymlar akademiýasynyň Tehnologiýalar merkezinde “Berkarar döwletiň täze eýýamynyň Galkynyşy: ýaş alymlaryň öňünde duran maksatlar we wezipeler” atly ylmy maslahat geçirildi. Maslahatda çykyş eden ylym-bilim pudagynyň işgärleri eden çykyşlarynda gadam basan täze döwrümizde ýaş alymlaryň öňünde duran maksatlar we wezipeler beýan edildi.
Maslahatyň dowamynda Tehnologiýalar merkezinde ylmy sergi hem guraldy. Sergide ýurdumyzyň ýokary okuw mekdepleriniň ylym strategiýasy we talyp ýaşlaryň gazanan üstünlikleri hem-de täze ylmy işleri görkezildi. Sergide Magtymguly adyndaky Türkmen döwlet uniwersitetiniň hukuk fakultetiniň talyby Ýolaman Mämmedowyň “Ippoterapiýa sagaldyş merkezini döretmegiň ähmiýeti we onuň hukuk esaslary: milli we halkara tejribe” atly ylmy bilen baglanyşykly hödürlän maketi sergä gatnaşyjylarda uly gyzyklanma döretdi.
Maslahatyň soňunda oňa gatnaşyjylar hormatly Prezidentimize ýurdumyzda ylym pudagyny ösdürmek üçin alyp barýan işlerine hoşallyk bildirdiler we Ýüzlenme kabul etdiler.
Maksat TAGANOW,
Magtymguly adyndaky Türkmen döwlet uniwersitetiniň
žurnalistika hünäriniň talyby.