Şu gün sportuň iň köp ýaýran görnüşiniň baýramçylygy bellenýär. Dünýäde sportuň stoluň üstünde oýnalýan tennis görnüşiniň döredilen güni bellenilip geçilýär. Ol başgaça Halkara ping-pong güni hem diýilýär.
7 ýyl mundan ozal, 6-njy apreli – stoluň üstünde oýnalýan tennis güni hökmünde bellemek barada teklip edilipdi. Bu pikir giň goldawa eýe boldy.
Ping-pong – tutuş Ýer şarynda iň meşhur sport görnüşidir. Käbir maglumatlara görä, Aziýanyň ýaşaýjylarynyň ikiden biri bu sport bilen gyzyklanýar. Bu sportuň XIX asyryň ahyrynda Angliýada dörändigi mälim edilýär.
Häzirki wagtda sportuň bu görnüşiniň Halkara Federasiýasynyň düzümine köp sanly ýurt girýär. Ilkibaşda talyplaryň arasyndaky oýun hökmünde döräp, soňlugy bilen giňden ýaýran sport görnüşi boldy.
Stoluň üstünde oýnalýan tennisiň meşhurlygy diňe sanlarda däl, eýsem ony halaýan köp sanly dünýä liderleri hem bar. Fidel Kastro, Toni Bler, Mao Szedun, Ronald Reýgan şolaryň käbiridir. Gazagystanyň Prezidenti Kasym-Žomart Tokaýew entegem bu sport bilen meşgullanýar. Ol syýasata girmezden ozal, Gazagystanyň Stoluň üstünde oýnalýan tennis federasiýasynyň ýolbaşçysy hem bolupdyr.