Saud Arabystany Patyşalygy 2024-nji ýylda haj parzy üçin Gyrgyzystana 6060 orun berdi. Bu barada Gyrgyzystanyň dini müdirligi habar berdi.
Golaýda Gyrgyzystanyň müftisi Zamir Rakiýew Saud Arabystanyda saparda bolup, haj ministriniň orunbasary Abdel Fattah bin Suleýman bilen duşuşdy.
Saud tarapy 2023-nji ýyl haj ybadatynyň guramaçylygyny ýokary derejede gurnandygy üçin gyrgyz tarapyna minnetdarlyk bildirdi.
– Biz üstümizdäki ýylyň haj guramaçylygy barada pikir alyşdyk. Goşmaça orunlar berilmegini talap etdik. Bu meseleler degişli ministrligiň topary tarapyndan maslahatlaşylýandygy üçin resmi hatymyzy gowşurdyk. Häzirki wagtda hajylar üçin iýmit, ýaşaýyş jaý we logistika hyzmatlary boýunça guramaçylyk meseleleri boýunça işler alnyp barylýar – diýip, Gyrgyzystanyň müftüsi habar berdi.