«SalamNews» saýtynyň açylmagy mynasybetli, «Ýaşlar — jemgyýetiň güli, ýaşlyk — ömrüň bahary» atly döredijilik bäsleşigi yglan edildi.
Onuň esasy maksady ýaşlaryň ömrüň baharyna meňzeýän ýaşlyk ýyllaryny manyly geçirmeklerini, jemgyýetdäki ornuny we giň mümkinçiliklerini wagyz etmekden, olary has-da ruhlandyrmakdan, täze zehinleri ýüze çykarmakdan hem-de höweslendirmekden ybaratdyr.
Döredijilik bäsleşigine ýaşlar, ýaşlyk bilen bagly türkmen we rus dillerindäki makalalaryňyzy hödürläp bilersiňiz. Onuň düzgünnamasy barada doly maglumat salamnews.tm saýtynda ýerleşdirilendir.
Bäsleşige hödürlenýän makalalar 2022-nji ýylyň 25-nji apreline (sagat 12:00-a) çenli kabul ediler hem-de 15 — 25-nji apreli aralygynda salamnews.tm saýtyna ýerleşdiriler. 26-njy aprelde bäsleşik jemlener we onuň ýeňijileri 27-nji aprelde — Gadyr gijesi mynasybetli yglan ediler.
Bäsleşigiň ýeňijilerine «SalamNews»-yň adyndan sowgatlar gowşurylar.