Saud Arabystanynyň “Al-Nasr” toparynyň portugal hüjümçisi Kristiano Ronaldo jemgyýetçilik torunda täze rekordyny goýdy. Ol “YouTube” platformasynda özüne täze sahypa açdy.
Onuň açan täze jemgyýetçilik toruna 1,5 sagadyň dowamynda 1 million adam abuna boldy. Şeýlelikde, Ronaldo jemgyýetçilik toruna gysga wagtda 1 million abuna ýetmek boýunça rekordyň eýesi boldy.
Häzirki wagtda, ýagny soňky habarlara görä, Ronaldony “Youtube” kanalyndaky abunaçylarynyň sany 8.33 million adam ýetdi. Bu görkezijiniň yzygiderli artýandygyny hem bellemek bolar.
2022-nji ýylda dünýä çempiony bolan, ýaşyl meýdançada Ronaldonyň esasy bäsdeşi Lionel Messiniň 2006-njy ýylda döreden “Youtube” kanalyndaky abunaçylarynyň sany 2.2 milliona deňdir.
“Youtube” platformasy öz gezeginde Ronaldony bu gazanan üstünligi bilen gutlady.
39 ýaşyndaky Ronaldo häzirki wagtda 2023-nji ýylda transfer bolan Saud Arabystanynyň “Al-Nasr” toparynyň düzüminde çykyş etmegini dowam etdirýär.
Ronaldo futbol karýerasy döwründe 5 gezek “Altyn top” baýragyny aldy we 5 gezek Çempionlar ligasynyň ýeňijisi boldy.