Saud Arabystanynyň futbol boýunça çempionatynyň 32-nji tapgyrynyň duşuşygynda “Al-Nasr” öz meýdançasynda “Al-Hilal” bilen 1:1 hasabynda deňme-deň oýnady.
-
Gollar: Ýer eýeleriniň düzüminde goly Mohamed Simakan (37-nji minutda) geçirdi. Ikinji ýaryma goşulan 8-nji minudyň soňky sekuntlarynda “Al-Nasr-yň” derwezeçisi Bento öz derwezesine gol goýberdi.
-
Çempionlyk ugrunda: Eger “Al-Nasr” ýeňiş gazanan bolsady, möhletinden öň Saud Arabystanynyň çempiony bolup bilerdi.
“Al-Nasr” toparynyň düzüminde futbol taryhynyň iň köp gol geçiren futbolçy we “Altyn top” baýragynyň bäş gezek eýesi Kristiano Ronaldo çykyş edýär. Portugalýaly ýyldyz üçin bu Saud Arabystanyndaky dördünji möwsümdir. Ol “Al-Nasr-da” oýnan wagtynda diňe Arap çempionlarynyň Kubogyny (2023) gazanyp bildi.
Häzirki wagtda ýagdaý şeýle:
-
“Al-Nasr”: 33 oýundan soň 83 utuk bilen çempionatda liderlik edýär.
-
“Al-Hilal”: 32 oýundan soň 78 utuk bilen ikinji orunda barýar.
Indiki oýunlar:
-
16-njy maýda: “Al-Hilal” öz öýünde “Neom” bilen duşuşar.
-
21-nji maýda: “Al-Nasr” çempionatyň jemleýji oýnunda “Damak” toparyny kabul eder.