Arassa howada pyýada ýöremek,tebigata syn etmek, adamy köp zatlar hakda oýlanmaga, durmuşyň kynçylyklarynda iň dogry ýoly tapmaga ugrukdyrýar. Ruhuňy göterip, göwnüçökgünligi ýeňip geçmäge kömek edýär. Şeýle-de pyýada ýöremek döredijilik pikirleriniň döremegine hem itergi berýär. Dem alyş organlarynyň işjeňligine oňyn täsir edýär. Bu bolsa öz gezeginde allergenlere çydamlylygy ýokarlandyrýar. Ömri uzaldýar. Yzygiderli pyýada ýöremek akyl dynçlygy bilen birlikde fiziki ýadawlyga sebäp bolýar.Netijede nerwleri köşeşdirip, rahat we doýup uklamaga şert döredýär.Pyýada ýöremegiň birnäçe peýdasy bar we olardan esasysy 7 sany :
- Günde 4 gezek, 10 minut pyýada ýöremegi endik etseňiz, gan basyşyňyz kadaly bolar.
- Günde 120 ädim ýygy-ýygydan ädim ätseňiz, 15 minutda 100 kkal.dan halas bolýaňyz.! Ine, horlanmagyň arzan we aňsat usuly!
- Aladaly iş gününiň “kynçylyklaryndan” dynmak isleýärsiňizmi? Onda her gün bary-ýogy 20 minut pyýada ýöräň. Netije sizi, hakykatdanam begendirer.
- Arassa howada, ýagyşly günlerde ýeke ýa-da kalbyňyza ýakyn ynsan bilen bary-ýogy 25 minut ýöreseňiz, süýji ýatlamalary ýada salarsyňyz, kalbyňyz täze we gözel arzuwlar bilen dolar. Netijede, özüňizi bagtly duýarsyňyz.
- Göwnüçökgünligi ýeňip geçmek üçin wagtyňyzy aýamaň! Ýitirjek zadyňyz yok? Bary – ýogy 35 minutlyk arassa howada pyýada ýöreseňiz ýeterlik!
- ABŞ-ly alymlar 45 minut dowamynda marafonda ýaryşa gatnaşyjylaryň 50 göteriminiň sowuklamany ýeňip geçendigini belleýärler. Sebäbi ýöränimizde mikroblar we wiruslar ejizleýär. Şonuň üçin şu günler gezelenç etmegi ýatdan çykarmaň!
- Alymlarynyň anyklamalarynyň netijesinde her gün 1 sagat pyýada gezelenç eden adamlaryň ýürek kesellerine seýrek duçar bolýandyklaryny aýtýarlarlar.
Umuman pyýada ýöremek adam saglygy üçin öran peýdaly we zeruzdyr.Indi sen hem pyýada ýöre! Sagdyn bol! Zehinli bol! Üstünlik gazan!
Joşgun Hajyýew,
Türkmen oba hojalyk institutynyň
Agronomçylyk fakultetiniň talyby