Awstraliýaly welosiepdçi Peýj Greko Ýaponiýanyň Tokio şäherinde dowam edýän Paralimpiýa oýunlarynda ilkinji altyn medaly gazanan türgen boldy. Ol ýapyk binalarda trek ýaryşynda 3000 metrlik aralygy birinji bolup geçmegi başardy.
Şeýlelikde, ol Paralimpiýanyň ilkinji ýeňijisi boldy. Şeýle hem türgen bu aralygy 3 minut 50,815 sekuntda geçip, täze dünýä rekordyny goýdy.
Bu ugurda ikinji rny hytýaly Wan Sýaomeý, üçünji orny germaniýaly Deniz Şnaýder eýeledi.
24-nji awgustda badalga alan Paralimpiýa oýunlary 5-nji sentýabra çenli dowam edýär. Umuman, tomusky Olimpiýa oýunlarynyň yzysüre Paralimpiýa oýunlary hem geçirilýär. Bu oýunlara şikesli türgenler gatnaşýar. 1988-nji ýyldan bäri geçirilip gelinýär.