Brazil futbolçy 77-nji minutda meýdança girdi. 2023-nji ýylyň awgustynda saud toparyna geçen Neýmar 2023-nji ýylyň 18-nji oktýabrynda şikes alypdy. Şol şikesden taplanmak üçin tejribeli futbolça 1 ýyldan gowrak wagt gerek boldy.
32 ýaşyndaky Neýmar 2017-nji ýylda Ispaniýanyň “Barselona” toparyndan Fransiýanyň “PSŽ” toparyna dünýäniň futbolynyň taryhynda rekord goýan iň gymmat transfer, ýagny 222 million ýewrolyk görkeziji bilen geçipdi.
Ol fransuz toparynyň düzüminde 5 gezek Fransiýanyň çempiony boldy. 4 gezek Naýbaşy kubogy, 3 gezek Fransiýanyň kubogyny eýeledi.
Neýmar “Barselona” topary bilen hem uly üstünlikler gazandy. Bu topar bilen 2 gezek Ispaniýanyň çempiony bolup, 3 gezek ýurduň kubogyny we 1 gezek Çempionlar ligasynyň kubogyny gazandy.
Neýmaryň ilkinji kluby Braziliýanyň “Santos” toparydyr. Bu topar bilen Braziliýanyň kubogyny we Libertadores kubogyny gazandy.
Brazil futbolçy Braziliýanyň milli ýygyndysynyň düzüminde 128 duşuşykda 79 gol geçirip, iň köp gol geçiren futbolçylaryň biridir.