Germaniýanyň “Bundesliga” futbol çempionatynyň toparlaryndan biri bolan “Bawariýa” 32 ýaşly hüjümçisi Tomas Müller bilen şertnamany 2024-nji ýylyň tomsuna çenli uzaltdy.
Germaniýanyň kluby bilen şertnamasynyň möhletiniň uzadylmagy bilen baglanyşykly beýanat beren Müller “Şu gün “Bawariýa” bilen şertnamamy 2024-nji ýyla çenli uzaltmaga diýseň begenýärin” -diýip belledi.
Tomas Müller bu topar bilen 11 gezek Germaniýanyň çempiony boldy. 2 gezek UEFA-nyň Çempionlar ligasynyň, FIFA-nyň klublar dünýä kubogyny we UEFA-nyň Superkubogyny gazandy.
Müller “Bawariýa” toparynyň düzüminde 624 duşuşykda oýnap, 226 gol geçirdi.
Ol 2014-nji ýylda Braziliýada geçirilen futbol boýunça dünýä çempionatynda çempion bolan Germaniýanyň milli ýygyndysynyň düzüminde hem orun alypdy.
https://www.atavatan-turkmenistan.com/demiryollary-taze-gatnaw-tertibi/