Amerikanyň Prezidenti Donald Tramp «Öýde ýeke özi ― 2» filminde surata düşmegiň özi üçin mertebe bolandygyny aýdýar. Aslynda, dünýä metbugatynda ABŞ-nyň häzirki Prezidentiniň bu filmdäki epizody hakynda jedelli gürrüňler kän boldy. Prezident bolsa ýakynda bu sahnadaky gahrymanyň, hakykatdan hem, özüdigini boýun aldy.
«Köpçülik, esasan hem, RoŽdestwo günler her ýyl şu barada gürrüň edýär. Hususan-da, çagalar maňa garap: «Meni sizi edil şu wagt filmde gördüm» diýýärler. Olar meni filmdäki keşbim bilen has gowy tanaýarlar. Film surata düşürilende men ýaşrakdym. Şeýle ajaýyp filmde kiçijik hem bolsa bir keşbi ýerine ýetirmek meniň üçin belent mertebe boldy» diýip, Prezident metbugata beýan etdi.
«Öýde ýeke özi» filminiň 1992-nji ýylda surata düşürilen ikinji bölüminde Tramp kiçijik bir epizodda baş gahryman Kewine myhmanhananyň kabul ediş bölümine nähili barmalydygyny salgy berýär. Bu epizod bary-ýogy 10 sekunt dowam edýär.