Mälim bolşy ýaly, 2021-nji ýyl hoş habarlar bilen başlady. Dünýä döwletleriniň ençemesinde koronowirus pandemiýasyna garşy sanjymlar geçirilip başlandy. Sanjymlar bilen stastistiki edaralar tarapyndan olaryň hasabatlary hem ýöredilmäge başlandy.
5-nji ýanwardaky maglumatlara görä, häzir iň köp adamy sanjym eden döwletleriň sanawynda Hytaý Halk Respublikasy birinji orny eýeleýär. Häzire çenli hytaýlylaryň 4,5 millionyna ýakynyna koronowirus sanjymlary uruldy. Ikinji orny bolsa 2,8 million adam bilen ABŞ eýeleýär. Ilkinji üçlügi ilatynyň 1,1 millionyna sanjym uran Ysraýyl jemleýär. Şeýle hem öňdebaryjylaryň hatarynda Beýik Britaniýa, Russiýa, Germaniýa, Italiýa, Kanada, Bahreýn ýaly döwletler bar.
Göterim möçberinde düzülen sanawyň başyny bolsa Ysraýyl çekýär. Deslapky maglumatlara görä, her 100 ysraýyllynyň 12-sine sanjym urlupdyr. Ilkinji üçlükde Bahreýn (3,57) bilen Islandiýa (1,43) bar.
Siz bu sahypada gündelik syýasata degişli habarlary okap bilersiňiz!
