Dünýäniň iň abraýly uniwersitetleriniň biri bolan Kaliforniýa uniwersitetiniň Davis Hukuk fakultetiniň çäginde hereket edýän ALSA (Advanced Legal Scholars Association) bileleşiginiň täze döwür üçin ilkinji umumy mejlisi geçirildi. Ýadyňyzda bolsa, bu abraýly bileleşigiň Prezidenti wezipesine şol fakultetde magistrlik derejesi üçin bilim alýan Türkmenistanly hukukçy Dr.Döwran Orazgylyjow saýlanypdy. Bilşimiz ýaly, Kaliforniýa Uniwersitetiniň Davis kampusy, ýaňy ýakynda “Wall Street Journal/College Pulse” tarapyndan taýýarlanan 2025-nji ýylyň Amerikanyň Birleşen Ştatlarynyň iň gowy uniwersitetleriniň sanawynda 12-nji orny eýeläpdi.
2024-nji ýylyň 27-nji oktýabrynda geçirilen Umumy mejlisde, ALSA-nyň täze döwür üçin ýerine ýetirjek çäreleri we käbir guramaçylyk işlerine seredildi.
ALSA-nyň Prezidentiniň teklibi bilen ALSA-nyň müdüriýetiniň geňeşinde dünýäniň dürli kontinetinden gelen hukukçylaryň wekilçilik etmegini gazanmak maksady bilen müdüriýetiň geňeşinde agzalarynyň sanynyň köpeltmek barada ylalaşyga gelindi.
Türkmenistanyň Bilim ministrliginiň diplom ykrar edilýän daşary ýurt uniwersitetleriniň sanawlarsa ilkinji 100-likde öz ornyny tapýan Kaliforniýa uniwersitetiniň Davis kampusynda bilim almak isleseňiz uniwersitetiň web saýtynyň halkara talyplar bölüminden gerekli maglumatlary alyp bilersiňiz.
