Häzirki wagtda futbol äleminde futbolçylar köp aýlyk gazanýarlar. Angliýanyň “Premýer ligasynda” oýunçynyň ortaça aýlygy hepdede 51 müň funt bolup durýar. Emma oýunçylardan iň gowulary käbirlerinde az gazanýarlar. Biz bolsa sport okyjylarymyza köp aýlyk alyp, meýdançada az wagt geçirýän 5 oýunçynyň sanawyny hödürlemegimizi makul bildik.
Iň uly aýlykly we peýdasyz oýunçylaryň TOP 5-ligi:
Mesut Özil-hepdede 350 müň funt
Mesut Özil geçen möwsümde Angliýanyň “Premýer ligasynda” bary-ýogy 18 oýuna çykyp, 2 gezek ýardam pasyny we gezek tapawutlanmagy başardy.
Garet Beýl–hepdede 350 müň funt
Oýunçy Ispaniýanyň “Real Madrid” toparynyň “La Liga” çempionatynda 16 oýuna çykyp, 2 gezek ýardam pasyny we 2 gezek gol geçirmegi başardy. Garetiň şertnamasynyň tamamlanmagyna ýene-de iki ýyl wagt bar.
Gonzalo Iguain-hepdede 240 müň funt
Eger-de Kristiano Ronaldony hasaba almanymyzda, Iguain italiýanyň “Ýuwentus” toparynda iň köp aýlyk alýan futbolçy hasaplanylýar. Iguainyň “Ýuwentus” topary bilen şertnamasy ýene bir ýyl dowam etmeli. Häzirki wagtda hüjümçiniň ýakyn wagtlarda topary terk edip biler diýen ýaly habar berilýär.
Kepa Arrisabalaga – hepdede 150 müň funt
Dünýäniň iň gymmat bahaly derwezeçisi Angliýanyň “Çelsi” topary bilen şertnama baglanyşdy. Emma geçen möwsümde 41 oýuna çykyp, 58 gezek derwezesinden gol geçirtdi. Bu netijäni görkezenden soňra topar derwezeçisi bilen ýollaryny aýyrmak isleýär.
Kristian Benteke – hepdede 120 müň funt
Angliýanyň “Kristal Pelas” toparynda çykyş edýän hüjümçi toparyň düzüminde 75 oýuna çykyp, bary-ýogy 6 gezek tapawutlanmagy başardy. Belgiýaly oýunçynyň şertnamasy 2021-nji ýylda tamamlanýar.