Özbegistan iki ýyl mundan ozal, koronawirus pandemiýasy sebäpli togtadylan halkara awtobus gatnawyny täzeden ýola goýdy. Şu günden başlap, gündelik Daşkent-Bişkek halkara awtobus gatnawy badalga aldy.
Golaýda, Özbegistan Gazagystan bilen demirýol gatnawyny hem ýola goýdy. bu gatnaw hem karantin çärelerini ýerine ýetirmek maksady bilen amala aşyrylýar.
Daşkent-Bişkek awtobus gatnawlary her gün 2 gezek – 18:00-da we 19:00-da amala aşyrylýar. Daşkent-Bişkek ugrunyň uzynlygy 601 kilometr bolup, awtobus gatnawynyň wagty 12 sagat 40 minutdyr.
Mälim bolşy ýaly, bu gatnaw 2020-nji ýylda koronawirus ýokanjy sebäpli serhetleriň ýapylmagy bilen togtadylypdy.