“Mançester Siti” toparynyň hüjümçisi Erling Holand Angliýanyň Kubogy ugrundaky ýaryşlarda 1970-nji ýylda bir duşuşykda 5 gol geçiren Jorj Bestiň rekordyny täzeledi.
Angliýanyň Kubogy ugrundaky ýaryşda “Mançester Siti” topary “Luton” topary bilen duşuşyp, duşuşyk 6:2 hasabynda tamamlandy. “Siti” toparynyň 5 goluny norwegiýaly ýyldyz hüjümçi Erling Holand öz adyna ýazdyrdy.
Norwegiýaly hüjümçi 58 minutda 5 gol geçirdi. Duşuşygyň 3-nji, 18-nji, 40-njy, 55-nji we 58-nji minutlarynda tapawutlanan Holand “Mançester Siti” toparynda 2022-nji ýylyň tomsunda 60 million ýewro gelipdi. Hüjümçi “Mançester Siti” toparynyň düzüminde bu möwsümde ähli ýaryşlarda 30 duşuşykda oýnap, 25 gol geçirdi.
Hüjümçi bilen toparyň arasyndaky şertnama 2027-nji ýylyň iýunynda tamamlanýar. “Transfermarkt” internet neşiriniň maglumatyna görä, Erling Holandyň bahasy 180 million ýewro deňdir.