Näme üçindir lukman ýa lukmançylyk diýlende, ýadymyza ilki bilen sanjymlar düşýär? Bu pikir aňymyzda çagalykdan bäri galypdyr. Eýsem, sanjym etmekde ulanylýan lukmançylyk iňňeleriniň taryhyndan habaryňyz barmydy? Geliň, bu taryha bilelikde gysgaça göz aýlalyň!
Wena damaryna derman ibermek XVII asyryň ortalaryndan bäri amala aşyrylyp gelnipdir. Häzirki ulanylýan iňňeleri bolsa 1853-nji ýylda weterinar lukmanlar Çarlz Gabriel Prawaz we Aleksandr Wud biri-birinden habarsyz, özbaşdak oýlap tapypdyrlar.
Ilkinji sanjym enjamlary rezin silindrden ýasalypdyr. Onuň içine deriden we asbestden ýasalan metal sterženli porşen ornadylypdyr. Silindriň beýleki ujuna içi boş iňňe berkidilipdir. Silindriň açyk bolmanlygy sebäpli, dermanyň ölçeginiň görkezijileri üstünde däl-de, porşendäki steržene goýulypdyr.
«Samsungdan» kripto aktiwlerini dolandyrmak mümkinçiligi