III GDA Oýunlaryna gatnaşjak ýurtlaryň we wekiliýetleriň sany, geçiriljek ýeri belli boldy. Azerbaýjanyň gurnamagynda geçiriljek sport ýaryşna 10 döwletden türgenler gatnaşar.
Berlen maglumatlara görä, ýaryşa 10 ýurtdan 1605 türgen we 2330 wekilden ybarat topar gatnaşar. Ilki bilen 8 ýurduň gatnaşjakdygy göz öňünde tutulýardy, soňra bu sanawda Türkiýe we Kuweýt hem goşuldy.
Maglumatda aýdylmagyna görä, Azerbaýjana 340 türgen, Russiýa – 262, Özbegistana – 254, Belarusa – 240, Gazagystana – 147, Täjigistana – 144, Gyrgyzystana – 126, Türkmenistana – 48, Türkiýä – 38 we Kuweýte – 6 türgen wekilçilik eder.
Şu ýylyň 28-nji sentýabryndan 8-nji oktýabry aralygynda geçiriljek III GDA Oýunlary Azerbaýjanyň ýedi şäherinde geçiriler.