Özbegistanyň Prezidenti Şawkat Mirziýoýew Gazagystan Respublikasynda döwlet saparynda bolýar. Bu saparyň öňüsyrasynda Nur-Soltan şäherinde Özbegistan-Gazagystan işewürler geňeşiniň IV mejlisi geçirilip, onda jemi 2 milliard ABŞ dollary möçberinde 15 şertnama gol çekildi.
Bar bolan maglumatlara görä, Gazagystanda özbek maýa goýumynyň gatnaşmagynda 1400 kärhana işleýär. Bu forumyň öňüsyrasynda Türküstan sebitinde geçirilen duşuşykda iki ýurduň telekeçileri 600 million dollarlyk şertnama baglaşypdy.
Soňky 5 ýylyň dowamynda ýurtlaryň arasyndaky söwda dolanyşygy 60 göterim artyp, 3 milliard dollardan geçdi, 2021-nji ýylyň 10 aýynda bu görkeziji 37 göterim ýokarlandy.
2022-nji ýylda haryt dolanyşygyny 5 milliard dollara we ýakyn ýyllarda 10 milliard dollara çenli ýokarlandyrmak maksat edinildi.
Bu maksada ýetmek üçin, iki ýurduň telekeçileri biri-biri bilen has işjeň söwda edip, üçünji ýurtlaryň bazarlaryna bilelikde girmek üçin bilelikdäki “ýol kartasyny” taýýarladylar.
Forumyň jemleri boýunça Özbegistan Respublikasynyň Söwda-senagat edarasy we Gazagystan Respublikasynyň Milli Telekeçiler Palatasy 2022-nji ýylda Özbegistan-Gazagystan Işewürler geňeşiniň esasy iş meýilnamasyny tassyklady.