UEFA guramasy 55 döwletiň agzalarynyň baş kätipleri bilen COVID-19 epidemiýasyndan soňky Ýewropa futbolunyň käbir meselelerini ara alnyp maslahatlaşmak üçin wideomaslahat geçirdi. Bu maslahatda esasy meseleleriň biri hem futbol janköýerlerini tapgyrlaýyn stadiona goýbermek ara alnyp maslahatlaşyldy. Şeýle hem duşuşyklarda futbol janköýerleriniň sanitariýa düzgünlerine berk eýermeginiň zerur bolup durýandygy bellenilip geçildi.
Sentýabr aýynyň başynda milli ýygyndylaryň duşuşyklaryna futbol janköýerlerini goýbermegiň entek ir boljakdygy bellenilip, 24-nji sentýabrda Wengriýanyň Budapeşt şäherinde geçiriljek UEFA-nyň Superkubogynda az sanly futbol janköýerleriniň barlag maksady bilen stadiona goýberilip bilinjekdigi mälim edildi.