Fizika boýunça Nobel baýragyna amerikaly alym, Prinston uniwersitetinden, ABŞ-nyň Milli ylymlar akademiýasynyň agzasy Jon Hopfild we Kanadanyň Toronto uniwersitetiniň alymy Jeffri Hinton mynasyp boldy.
Nobel baýragynyň komiteti tarapyndan ýaýradylan habara görä, alymlar bu arzyly baýraga neýrosetler boýunça geçiren ylmy işi üçin mynasyp boldular.
Şu ýylyň fizika boýunça Nobel baýragynyň eýeleri döwrebap we güýçli maşyn ylmynyň esasyny düzýän usullary işläp düzmekde gazanan üstünlikleri bilen tapawutlandy.
Jon Hopfild maglumatlarda dürli nusgalaryň we suratyň gaýtadna dikeldilmegi we saklanylmagy üçin assosiatiw ýady döretdi. Jeffri Hinton bolsa, maglumatlarda häsiýetleri özbaşdak tapyp bilýän we şeýlelik bilen şekillerdäki aýratyn elementleri kesgitlemek ýaly meseleleri ýerine ýetirip bilýän usuly oýlap tapdy.
Düýn lukmançylyk we fiziologiýa boýunça Nobel baýragynyň eýeleri mälim edilipdi.