Ýapon alymlary ylmy gözleglerde öwrülişikli ädim ätdiler we dünýäde ilkinji gezek “emeli intellekt alymy” döretdiler. Ylmy açyşlary amala aşyrmak üçin “emeli intellekt alymy” Ýaponiýada ýerleşýän “Sakana AI” gözleg we ylmy-barlag kompaniýasy tarapyndan işlenip düzüldi.
Kompaniýanyň berýän maglumatyna görä, ilkinji “emeli intellekt alymy” taslamasynyň “Foerster Laboratories”, Oksford uniwersiteti we beýleki köp sanly uniwersitet bilen bilelikde hyzmatdaşlygyň netijesinde işlenip düzülendigi mälim edildi.
“Emeli intellekt alymy” ulgamynyň bar bolan gözlegleri gözden geçirip, täze gözleg ideýalaryny hödürläp biljekdigi we bu ulgamyň gözleg kodlaryny ýazyp biljekdigi bellenildi.