2023-nji ýylda UEFA-nyň Çempionlar ligasynyň finaly Türkiýäniň Stambul şäherinde geçiriler. Bu barada UEFA degişli çözgüt kabul etdi.
2 ýyldan bäri Stambulda geçirilmegi meýilleşdirilýän UEFA-nyň Çempionlar ligasynyň finaly koronawirus epidemiýasy sebäpli geçirilip bilinmedi. Final duşuşygy geçen möwsüm Lissabonda we bu möwsüm bolsa, Portoda geçirildi.
Gysga wagtyň içinde Stambulda jemleýji duşuşyklary guramak barada pikire gelen UEFA 2023-nji ýyldaky finaly Stambulda geçirmek kararyna geldi.
9-njy iýulda geçiriljek UEFA ýerine ýetiriji geňeşiniň ýygnagyndan soň, 2023-nji ýylda Çempionlar ligasynyň finalynyň Atatürk Olimpiýa stadionynda oýnaljakdygy resmi taýdan yglan ediler.
Mundan başga-da, 2021-2022-nji we 2022-2023-nji möwsümleri boýunça Çempionlar ligasynyň we Ýewropa ligasynyň duşuşyklarynyň bijeleriniň çekiliş dabarasy hem Stambulda geçirmek meýilleşdirýär.
3-nji iýunda Ãyldyzlar näme diýýär? Gündelik Täleýnama