UEFA-nyň Çempionlar ligasynyň ýarym finalynyň ilkinji oýnunda Ispaniýanyň “Real Madrid” bilen Angliýanyň “Çelsi” toparlary duşuşdy. Duşuşyk 1:1 hasabynda deňme-deň gutardy.
“Real Madridiň” meýdançasynda geçirilen duşuşykda ilki bilen “Çelsi” topary tapawutlandy. Iňlis toparyndan 14-nji minutda Kristian Pulişiç geçirdi. Ol UEFA-nyň Çempionlar ligasynyň ýarym finalynda gol geçiren ilkinji ABŞ-ly futbolçy boldy.
“Real Madridiň” düzüminde bolsa Karim Benzema tapawutlandy. Ol duşuşygyň 29-njy minutynda tapawutlandy. Ol öz sport dumuşynda Çempionlar ligasyndaky 71-nji goluny geçirdi we “Real Madridiň” düzüminde çykyş eden Raul bilen deňleşdi.
Çempionlar ligasynda iň köp gol geçiren futbolçy Kristiano Ronaldodyr. Onuň gollarynyň sany 134-e deňdir. Ikinji orunda 120 gol bilen Lionel Messi we üçünji orunda 73 gol bilen Robert Lewandowski barýar.
“Real Madrid” bilen “Çelsiniň” jogap duşuşygy 5-nji maýda London şäherinde oýnalar.