UEFA-nyň Çempionlar ligasynyň çärýek finalynyň jogap duşuşyklary geçirildi. Germaniýanyň “Bawariýa” toparyna bu gezek üstünlik ýa-da garaşylmadyk netije gazanmak başartmady. Angliýanyň “Mançester Siti” topary bilen german toparynyň duşuşygy 1:1 hasabynda tamamlandy.
Öz meýdançasynda “Bawariýany” 3:0 hasabynda ýeňen “Mançester Siti” topary ýarym finala çykdy.
Ýarym finalda bolsa, “Mançester Siti” toparynyň garşydaşy “Real Madrid” toparydyr. Iňlis toparyna final ýolunda ýene-de bir güýçli topar garaşýar.
Ýarym finalyň beýleki duşuşygy bolsa “Milan” derbisi bolar. Italiýanyň ýene-de 2 topary “Milan” bilen “Inter” ýarym finalda duşuşar.
“Inter” topary jogap duşuşygynda Portugaliýanyň “Benfika” topary bilen 3:3 hasabynda deňme-deň oýnady.
Çempionlar ligasynyň ýaryn finalynyň ilkinji duşuşyklary 9-10-njy maýda, jogap duşuşygy bolsa, 16-17-nji maýda bolar.