Bütindünýä Saglygy Goraýyş Guramasy Hytaýyň “Sinofarm” sanjymyny gyssagly ulanmak üçin maslahat berilýän sanjymlaryň sanawyna goşdy. Bu bolsa Pekiniň biologiki önümleriniň bioinstituty tarapyndan öndürilýän sanjymyň 18 ýaşdan uly adamlar üçin ulanyp boljakdygynyň bütin dünýäde tassyklanýandygyny aňladýar.
Muňa garamazdan, Hytaý waksinasy Hytaýda we beýleki ýurtlarda eýýäm birnäçe million adama sanjym edildi. Şeýle-de ulanylyşy birnäçe Afrika, Aziýa we Latyn Amerikasy döwletleriniň hökümetleri tarapyndan tassyklandy.
“Pfizer”, “AstraZeneca / BioNTech”, “Johnson & Johnson” we “Moderna” sanjymlary ozal bu gurama tarapyndan tassyklanylypdy. “Sinowak” sanjymy barada bolsa BSGG ýakyn günlerde karara geler diýlip garaşylýar we Russiýanyň “Sputnik V” sanjymyna henizem baha berilýär.
Bütindünýä Saglygy Goraýyş Guramasynyň hünärmenleri “Sinofarm” sanjymyny tassyklamazdan ozal, öndürilen barlaghanalary gözden geçirdiler. Şeýle-de bu sanjymyň tassyklanmagy waksinany satyn almaga ýagdaýy bolmadyk ýurtlaryň sanjymy “Covax” mehanizmi arkaly mugt ulanylyp bilinjekdigini aňladýar.