Türkmenistanyň Söwda-senagat edarasy 2025-nji ýylyň 7-nji oktýabrynda “Tegelek-stol” görnüşinde geçiriljek Türkmen-Horwat işewürlik forumyna telekeçileri we kompaniýa ýolbaşçylaryny gatnaşmaga çagyrýar.
Forumyň çäklerinde maglumat tehnologiýalary, gurluşyk, senagat enjamlary, myhmanhana işi, lukmançylyk enjamlaryny üpjünçilik, metalkontruksiýalary öndürmek we üpjünçiligi, nebitgaz enjamlaryny öndürmek we üpjünçiligi, gämi gurluşygy we deňiz ulaglaryny bejermek ulgamlarynda işleýän horwat kompaniýalarynyň tanyşdyrylyşlary meýilleşdirilýär.
Forum söwda-ykdsady hyzmatdaşlygyň geljegini, täze hyzmatdaşlyk gatnaşyklaryny ýola goýmagy we Türkmenistanyň hem-de Horwatiýanyň telekeçileriniň arasynda tejribe alyşmaga ara alyp maslahatlaşmak üçin möhüm meýdança bolar.