Ispaniýanyň Kubogyny gazanmak ugrundaky ýaryşyň ýarym final duşuşygynda “Barselona” topary bilen “Sewilýa” topary duşuşdy. Mälim bolşy ýaly, bu oýnuň ilkinji duşuşygynda “Sewilýa” topary 2:0 hasabynda utupdy.
Ýöne jogap duşuşygy Lionel Messili “Barselonanyň” peýdasyna tamamlandy. “Barselona” topary 3:0 hasabynda utup, kubogyň finalyna çykdy.
“Barselona” toparyň esasy wagtynda ýagny 90 minutyň dowamynda 12-nji minutda Usman Dembeleniň we ikinji ýayrmyň ahyrky minutlarynda Žerar Pikeniň gollary bilen 2 gol geçirmegi başardy. Duşuşygyň dowamynda “Sewilýanyň” hüjümçisi Lius Okampos 11 metrlik jeirme urgusyndan peýdalanyp bilmedi. Bu toparyň futbolçysy Fernando 90-njy minutda gyzyl kart alyp, meýdançadan çykdy.
Duşuşygyň ýeňijisini kesgitlemek üçin goşmaça 30 minut wagt berildi. 95-nji minutda “Barselonadan” Martin Breýtueýt 3-nji goly geçirip, toparyny finala çykardy.
“Barselona” topary 42-nji gezek Ispnaiýanyň finalynyň kubogyna çykdy.
Onuň finaldaky garşydaşy “Lewante” bilen “Atletik” toparynyň arasyndaky ýeňiji bolar. Bu toparlaryň arasyndaky ilkinji duşuşyk 1:1 hasabynda tamamlanypdy.