JEMGYÝET

«Atavatan Türkmenistan» Türkmen metbugatynda

Mälim bolşy ýaly, 5-nji maýda Türkmenistanyň Telewideniýe, radiogepleşikler we kinematografiýa baradaky döwlet komitetiniň Başlangyç hünär okuw mekdebinde «Açyk gapylar» güni geçirildi. Dabara bu mekdepde guralan giň sergi meýdançasyna paýtagtymyzyň orta mekdepleriniň ençemesinden okuwçylaryň ýüzlerçesi, şeýle hem gyzyklanma bildirýän myhmanlar geldi.

Bu dabaraly çärede «Atavatan Türkmenistan» halkara žurnaly we «Makul hyzmat» terjime merkezi bilen bir hatarda Türkmenistanyň Söwda we daşary ykdysady aragatnaşyklar ministrliginiň «Biznes reklama» gazeti hem öz sergisi bilen  gatnaşypdy.

“Biznes reklama” gazetiniň şu ýylyň 11-nji maýynda çapdan çykan sanyndaky “Başlangyç hünär okuw mekdebi gapylaryny giňden açdy” atly makalasynda “Açyk gapylar” gününiň çäresine «Atavatan Türkmenistan» halkara žurnaly we «Makul hyzmat» terjime merkeziniň hem gatnaşandygy bellenilip geçilipdir.

«Atavatan Türkmenistan» halkara žurnaly indi köp ýyldan bäri çap edilip gelýän halkara žurnallaryň biri bolup, Türkmenistanda bolup geçýän özgertmeleriň dünýä jemgyýetçiligine ýetirilmegine mynasyp goşandyny goşýar. Žurnalyň www.atavatan-turkmenistan.com saýty hem Türkmenistandaky we dünýädäki ähli ugurlarda bolup geçýän wakalary okyjylaryna gyzgyny bilen ýetirmäge mümkinçilik berýär.

“Makul hyzmat” terjime merkezi hem ygtybarly merkezleriň biri bolup, iňlis, rus, türk we beýleki dillerde dürli resminamalaryň hem-de beýleki iş kagyzlarynyň terjime edilmeginde giňden hyzmat berýär.

Ýene-de okaň

Türkmen halkynyň Milli Lideri Özbegistanyň Prezidenti doglan güni bilen gutlady

Türkmenistanyň Prezidenti Özbegistanyň Prezidentini doglan güni bilen gutlady

Türkmenistanyň we San-Marinonyň daşary işler ministrleriniň telefon söhbetdeşligi

Haýyr-sahawat gaznasy ýaş nesilleriň saglygynyň berkidilmegine uly ähmiýet berýär

Türkmenistanyň we Tunisiň daşary işler ministrleriniň telefon arkaly söhbetdeşligi

Hazaryň kenarynda nebit we nebit önümleri guýulýan üçünji gämi duralgasy açyldy

Ata Watan Eserleri