Türkmenistanyň wise-çempiony “Ahal” topary AFK-nyň Çempionlar ligasyndaky ilkinji duşuşygyny geçirdi. Jidda şäheriniň “Şazada Abdylla al-Faýsal” adyndaky stadionda geçirilen duşuşykda “Ahal” Birleşen Arap Emirlikleriniň “Şabab Al-Ahli Dubaý” topary bilen duşuşdy. Bu duşuşyk 1:1 hasabynda tamamlandy. Bu barada “tff.com.tm” internet sahypasynda bellenilip geçilýär.
Duşuşygyň 75-nji minudynda Abdy Bäşimowyň netijeli urgusy bilen öňe saýlanan “Ahal” bu goluň 4 minut yzysüresi 11 metrlik jerime urgusyndan hasaby deňletdi. Bu urgyny “Şabab Al-Ahli Dubaýyň” özbegistanly ýarymgoragçysy Aziz Ganiýew dürs ýerine ýetirdi.
“C” toparçasynyň beýleki duşuşygynda Eýranyň “Fulad Huzestan” hem-de Kataryň “Al-Garafa” toparlary duşuşdy. Bu duşuşykda hasap açylmady – 0:0.
Bu toparçanyň ikinji tapgyrynda “Ahal” “Al-Garafa”, “Şahadab Al-Ahli Dubaý” topary bolsa “Fulad Huzestan” bilen duşuşar.
Türkmenistanyň we Russiýanyň gümrük gulluklary hyzmatdaşlygyny berkidýär