Hindistanyň Mumbaý şäheri Aziýada iň köp milliarder bolan şähere öwrüldi. Bu barada Hurun gözleg institutynyň maglumatlaryna esaslanyp, “Nikkei Asia” habarlar gullugy habar berýär.
Bu görkezijä görä, Hindistanyň iň uly şäheri Nýu-Ýorkdan (119 milliarder) we Londondan (97 milliarder) soň dünýäde üçünji ýerde durýar. Hindistanda 271 sany milliarder bar.
Mumbaý – 1995-nji ýyla çenli Bombeý ady bilen tanalýar we Hindistanyň “Manhetten” we Hindistanyň Golliwudy bolan Bolliwudyň, ýagny ýurduň kino dünýäsiniň merkezidir.
Mumbaý şol bir wagtda Hindistanyň täjirçilik merkezi bolup, 7 adadan ybarat. 2023-nji ýylda şäheriň ykdysadyýeti 7.3 göterime ösüşe eýe boldy.