Ispaniýanyň çempionatynda “Real Madrid” bilen “Barselona” toparlarynyň arasyndaky özara duşuşyk “El Klasiko” ady bilen bellidir. “El Klasiko” duşuşygynda “Barselona” topary öz meýdançasynda “Real Madrid” toparyna 3:1 hasabynda utuldy.
Ispaniýanyň çempionatynyň 7-nji tapgyrynda möwsüminiň ilkinji “El Klasiko” duşuşygynda “Real Madrid” topary ýeňiş gazandy. “Realyň” ýeňiş gazanmaga bolan islegiň duşuşygyň ilkinji minutlaryndan göründi. Oýnuň 5-nji minutynda Walwerde “Real Madridi” 1:0 hasabynda öňe geçirdi. “Barselonanyň” bu gola jogaby gijikmedi. Duşuşygyň 8-nji minutynda 17 ýaşly Ansu Fati “Barselonanyň” duşuşykdaky ýeke-täk goluny geçirdi. Şeýlelikde ol “El Klasiko” duşuşyklarynda tapawutlanan iň ýaş futbolçy derejesine eýe boldy. Mundan ozal bu derejä “Real Madridli” Winisius eýe bolupdy.
Duşuşygyň birinji ýarymy 1:1 hasabynda tamamlandy. Oýnuň kikinji ýarymynda Ramos 11 metrlik jerime urgusyny dürs ýerine ýetirip, “Real Madrid” toparyny 2:1 hasabynda öňe geçirdi. Duşuşygyň 90-njy minutynda Luka Modriç tapawutlanyp, “Real Madridiň” 3:1 hasabynda ýeňmegine öz goşandyny goşdy.
DUŞUŞYK BARADA GYZYKLY MAGLUMATLAR:
- “Real Madrid” möwsümiň ilkinji “El Klasikosynda” ýeňiş gazandy. Madridliler üçin soňky döwürde bu örän seýrek duş gelýän ýagdaýdyr. Mundan ozal 2014-nji ýyldaky çempionatyň birinji ýarymyndaky “El Klasiko” duşuşygynda ýene-de “Real” 3:1 hasabynda utupdy.
- “Real Madrid” yzly-yzyna 2 duşuşykda, ýagny çempionatda “Kadisden”, Çempionlar ligasynda “Şahtýordan” ýeňlenden soňra başardy.
- Federiko Walwerde “El Klasikoda” ilkinji gezek tapawutlandy.
- Ansu Fati “El Klasikonyň” iň ýaş tapawutlanan oýunçysy boldy. Ol 17 ýaşynyň içinde tapawutlanmagy başardy. Şeýle hem Ansunyň goly “Barselona” toparynyň “E Klasikodaky” 400-njy goly boldy.
- Serhio Ramos “Real Madrid” toparynyň düzümindäki 99-njy goluny geçirdi.
- Messi ýene-de “El Klasikoda” tapawutlanyp bilmedi. Ol eýýäm 2018-nji ýyldan bäri tapawutlanyp bilmeýär.
- “El Klasikodaky” utuşlar “Real Madridiň” peýdasyna boldy. “Realyň” ýeniş gazanan duşuşyklarynyň sany 98-e deň boldy. “Barselonanyňky” 96-da galdy. Topar 52 gezek deňme-deň oýnadylar.
Ýurdumyzyň sungat ussatlary bilen taýýarlanan bir-birinden gyzykly söhbetdeşlikleri bu sahypamyzdan okap bilersiňiz!
