Russiýanyň Prezidenti Wladimir Putin Koreýa Halk-Demokratik Respublikasynda döwlet saparynda bolar. Russiýanyň Prezidentiniň metbugat gullugynyň habar bermegine görä, Wladimir Putin Demirgazyk Koreýada 18-19-njy iýunda saparda bolar.
– Koreýa Halk-Demokratik Respublikasynyň Başlygy Kim Çen Ynyň çakylygy boýunça Russiýa Federasiýasynyň Prezidenti Wladimir Putin 18-19-njy iýunda döwlet saparynda bolar – diýlip, Kreml köşgüniň metbugat gullugynyň beýanatynda bellenilip geçilýär.
KHDR-iň ýolbaşçysy Kim Çen Yn 2023-nji ýylyň sentýabrynda Russiýada resmi saparda bolupdy. Kim Çen yn Russiýanyň Uzak Gündogar sebitinde saparda bolup, şol saparynda Putini hem özüne amatly wagtda sapar bilen barmaga çagyrypdy.
Wladimir Putin 2000-nji ýylyň iýulynda ilkinji we ýeke-täk gezek Phenýanda saparda bolupdy.
Şeýle hem Russiýanyň Prezidenti Demirgazyk Koreýa saparyny tamamlap, Wýetnam döwletine geçer. 19-20-nji iýunda Wladimir Putin Wýetnam Sosialistik Respublikasynda döwlet saparynda bolar.