Hamal (guzy 21.03 — 20.04)
Bu gün ýakymly pursatlara örän baý gün bolar. Gün aýratyn-da söýgi gatnaşyklaryndaky Hamallar üçin şowly geçer, sebäbi ýakyn adamyňyz bilen aragatnaşyk size aýratyn şatlyk we ruhy mähirlilik peşgeş berer. Hatda ozal birek-birege doly düşünişmek başartmadyk bolsa-da, şu gün hiç hili tagalla etmezden, öz-özünden iň dogry sözler tapylar. Täze gatnaşyklara taýýar bolanlar üçin bolsa, bu gün geljekde has uly zatlara gyzykly tanyşlyklary wada berýär. Açyk göwünli boluň we garaşylmadyk çakylyklardan ýüz öwürmäň. Güniň ikinji ýarymynda işde hem şowly gün bolar. Siz özüňize ynamly hereket edersiňiz, kärdeşleriňiz size goldaw berer we netijeler hem özüni köp garaşdyrmaz.Şeýle hem birnäçe çylşyrymly wezipeleriň hötdesinden gelmegi başararsyňyz we işleriň gidişinden doly kanagatlanarsyňyz.Emma maliýe pudagynda käbir kynçylyklaryň ýüze çykmagy mümkindir.
Sowur (öküzçe 21.04 — 20.05)
Bu gün hyýallara we arzuwlara berilmek, gündelik işler we amaly wezipeleri çözmekden has ýakymly bolar. Siz geljek baradaky oýlanmalara wagt sarp edip bilersiňiz. Siziň ideýalaryňyz we meýilnamalaryňyz doly durmuşa geçip biler, ýöne bu biraz soňrak bolar.Maşgala gatnaşyklarynda oňyn meýiller agdyklyk eder, öýdäki gurşaw mähirli we ruhy taýdan ýakymly bolar. Eger siz eýýämden bäri ýakynlaryňyzy bir ýere toplamagy ýa-da dostlaryňyzy çagyrmagy meýilleşdiren bolsaňyz, agşamky wagt munuň üçin doly laýyk geler. Öýdäki baýramçylyk ýeňil geçer we iň ýakymly ýatlamalary galdyrar. Ýakynlaryňyzyň birine siziň kömegiňiz gerek bolmagy mümkin we siz beýleki adamlaryň näme isleýändigini aýratyn gowy duýýandygyňyz sebäpli, bu kömegi höwes bilen berersiňiz. Siziň goldawyňyz edil garaşylyşy ýaly wagtynda we ýerlikli bolar.Güniň ikinji ýarymynda saglyk ýagdaýyňyz hem, ruhy pespälliginiň ýoklugy hem sizi begendirer. Ähli işleriň hötdesinden gelmek we şol bir wagtyň özünde aşa ýorulmazlyk üçin energiýaňyz ýeterlik bolar.
Jöwza (ekizekler 21.05 — 21.06)
Döredijilikli çemeleşmäni, täzeçe garaýyşy we adatdan daşary çözgütleri talap edýän ähli işlerde bu gün siziň ukybyňyz aýratyn ýokary bolar. Intuisiýaňyz bökdençsiz işlär we siz oňa doly ynanyp bilersiňiz. Başgalaryň uzak wagtlap oýlanyp, dürli ýollary ölçerip-dökjek ýerinde, siz artykmaç güýç sarp etmezden çalt we takyk karar kabul edersiňiz.Täze wezipeleriň, şol sanda başgalaryň hötdesinden gelip bilmedik işleriniň hem garaşylmadyk ýagdaýda ýeňillik bilen çözülmegi ähtimaldyr. Siziň işe bolan çemeleşmeňiz köpleriň göwnünden turar we eger size kömekçiler ýa-da hyzmatdaşlar gerek bolsa, olary tapmak aňsat bolar. Bu gün tanyşdyryş dabaralary köpçülik öňünde çykyş etmek, pikir alyşmak we meýilnamalary ara alyp maslahatlaşmak üçin örän amatlydyr. Dürli gatlakdaky adamlar sizi uly gyzyklanma we üns bilen diňlärler. Hatda olaryň käbiri bilen ýakyn wagtda dostlaşmagyňyz hem mümkindir.Güniň ikinji ýarymynda aragatnaşyk we düşünişmek nukdaýnazaryndan hem gün bähbitli bolar. Eger soňky wagtlarda kimdir biri bilen düşünişmek kyn bolan bolsa, ýa-da ýygy-ýygydan gapma-garşylyklar we jedeller ýüze çykan bolsa, şu gün ähli zady düzetmäge pursat dörär. Ýagdaýlar şeýle bir amatly bolar welin, gepleşik geçirmek mümkinçiligi dörär we garşydaşyňyz hem gepleşige taýýar bolar. Emma bir möhüm zady ýatdan çykarmaň: adamlar bilen gowy gatnaşygy saklamak islegi asylly häsiýetdir, ýöne bu öz bähbitleriňizi gurban etmäge çenli baryp ýetmeli däldir. Diňe garşy tarapy däl, eýsem hemmani kanagatlandyrjak çözgüdi gözläň. Özara bähbitli ylalaşyk mümkindir, ýöne ol adalatly bolmalydyr.
Seretan (leňňeç 22.06 — 22.07)
Günüň başlangyjynda ýagdaýlar garaşylyşy ýaly amatly bolman biler we dogry ýoly tapmak üçin käbir tagallalary etmeli bolarsyňyz. Emma kynçylyklar ýüze çykan ýagdaýynda-da, siz aljyramarsyňyz we ruhdan düşmersiňiz, tersine, islendik bökdençligi öz bähbidiňize ulanmagyň ugruny taparsyňyz. Başgalaryň diňe päsgelçilik görýän ýerinde mümkinçilikleri görüp bilmek ukybyňyz bu gün siziň esasy artykmaçlygyňyz bolar.Şeýle hem bilim almak, özüňi kämilleşdirmek we hünär derejäňizi ýokarlandyrmak üçin örän amatlydyr. Maglumatlar ýeňillik bilen özleşdiriler, täze zatlary öwrenmek islegiňiz bolsa aýratyn güýçli bolar. Bu ruhy göterilişi elden gidirmäň: bu gün aljak bilimleriňiz gysga wagtyň içinde size örän gerek bolar.Hünär we jemgyýetçilik çärelerine gatnaşjak Seretanlar wagtyny örän netijeli geçirerler. Emma Sertetanlaryň beýleki wekilleri öz bilimlerini we tejribelerini ak ýürekden paýlaşmaga taýýar bolan adamlar bilen duşuşarlar. Täze tanyşlyklara açyk boluň we garaşylmadyk söhbetdeşliklerden gaçmaň. Bu gün duşuşjak adamlaryňyzyň arasynda geljekki işewür hyzmatdaşyňyz ýa-da ýakyn dostuňyz bolup biler. Şeýle hem romantik gyzyklanmalaryň ýüze çykma ähtimallygy hem bar.Özüňize aşa agram salmazlyga çalşyň we gysga wagtlyk dynç alyşlar üçin pursat tapyň.
Eset (ýolbars 23.07 — 23.08)
Haýsy işleri meýilleşdiren bolsaňyz hem, olara çekinmezden we artykmaç ikirjiňlenmesiz başlap bilersiňiz: ähli zat şowly bolar, hatda garaşanyňyzdan hem gowy netije berer. Bu seýrek duş gelýän günleriň biridir ýyldyzlar sizi goldaýar, oňat ideýalar öz wagtynda döreýär, bitiren işleriňiziň miwesine bolsa köp garaşmaly bolmarsyňyz.Kärdeşleriňiz we işewür hyzmatdaşlaryňyz size garşy hoşniýetli bolar, iş toparyndaky gurşaw bolsa işjeň we asuda bolar. Eger siz eýýämden bäri başlangyç görkezmek ýa-da täze bir zat hödürlemek islän bolsaňyz, öz içki duýgyňyza aýratyn üns beriň: ol size iň amatly pursady saýlamaga kömek eder. Siziň pikirleriňiz düşünişmek we goldaw tapar, işe bolan çemeleşmeňiz bolsa köpleriň göwnünden turar.Maliýe meselelerini hem arkaýyn çözüp bilersiňiz. Pul bilen bagly işlerde siz boş hyýallara gapylmarsyňyz. Şowly satyn almalaryň bolmagy ähtimaldyr. Diňe bir özüňiz üçin däl, eýsem ýakynlaryňyz üçin hem sowgat saýlap bilersiňiz: siz edil olary begendirjek zady tapmagy başararsyňyz.Eger günüň dowamynda nirededir bir ýere gitmäge mümkinçilik dörese, ýüz öwürmäň. Syýahat size ýakymly täsirleri bagyşlar, ýolda bolup biljek tanyşlyklar bolsa garaşylmadyk derejede gyzykly we peýdaly bolar.
Sünbüle (gyz 24.08 — 23.09)
Günüň başlangyjynda aýratyn seresaplylygy saklamak maslahat berilýär. Emosional ýagdaýyňyz durnuksuz bolar we pursatlaýyn duýgulara gapylyp, oýlanşyksyz ädimleri ätmek töwekgelçiligiňiz bardyr. Şol sebäpli möhüm kararlar kabul etmekde howlukmaň we mümkin bolsa, iň çynlakaý işleriňizi biraz yza süýşüriň.Işewür gatnaşyklarda saýlama ukybyňyz we ünsüňiz örän möhümdir. Hyzmatdaşlary ýa-da pikirdeşleri saýlamakda ýalňyşmak ähtimallygy ýokarydyr. Size ruhy taýdan ýakyn we kömege taýýar ýaly görünýän adam, aslynda diňe öz bähbitlerini gözleýän bolup biler. Ýakyndan tanamaýan adamlaryňyz bilen meýilnamalaryňyzy paýlaşmaga howlukmaň. Size öň hem birnäçe gezek goldaw beren we wagtyň synagyndan geçen ynamdar adamlara bil baglasaňyz has gowy bolar.Günüň ikinji ýarymynda dynç almaga, gündelik aladalardan daşlaşmaga mümkinçilik dörer we bu siziň umumy ýagdaýyňyza oňyn täsir eder. Saglyk ýagdaýyňyz hem, ruhy pespälliginiň ýoklugy hem göze ilerlikli derejede gowulaşar. Ozal ýüze çykan meseleleri nädip çözmelidigine we aýratyn möhüm hasaplaýan ugurlaryňyzda nähili netije gazanmalydygyna anyk göz ýetirmegiňiz mümkindir.
Mizan (terezi 24.09 — 23.10)
Bu gün, möhüm karar kabul etmekde howlukmaýan adamlar üçin köp sanly gyzykly mümkinçilikleri açar. Öňüňizde meýilleşdirilen çäreler ajaýyp netijeleri berer, emma pursatlaýyn duýgularyň täsiri astynda ediljek tötänleýin ädimler birnäçe islenilmeýän netijeleriň ýüze çykmagyna sebäp bolup biler. Şol sebäpli, wagtlaýyn hyjuwlara gapylmaň we hatda size örän üýtgeşik bir pikir gelse-de, ony içgin oýlanmak üçin säginmegi başaryň.Eger bellenen meýilnama berk eýerseňiz we şübheli tekliplere üns bermeseňiz, işde uly üstünlikler gazanyp bilersiňiz. Öňüňizde duran wezipeler siziň güýjüňiz ýetjek işlerdir we eger ünsüňizi jemlemegi başarsaňyz, olaryň hötdesinden gelersiňiz.Güniň ikinji ýarymynda ýakynlaryňyz bilen aragatnaşykda käbir kynçylyklaryň ýüze çykmagy ähtimal: köne meseleler we öýke-kineler ýatda galyp biler. Emma muňa aşa uly ähmiýet bermek gerek däl, sebäbi şeýle pursatlar her bir adamyň durmuşynda bolup durýar we olaryň ýüze çykmagy ähli zadyň erbetdigini aňlatmaýar. Içiňizde nähili tolgunma bolsa-da, asudalygy saklaň. Ýumşak äheňde geplemek we diňlemäge taýýar bolmak, islendik düşünişmezligi garaşanyňyzdan has çalt çözmäge kömek eder.
Akrap (içýan 24.10 — 22.11)
Bu gün ýakynlaryňyz bilen aragatnaşyk gurmak hakyky lezzet berer, işewür gepleşikler bolsa ýeňil we erkin ýagdaýda geçer. Birnäçe möhüm meseleleri resmi däl gurşawda ara alyp maslahatlaşmagy başararsyňyz.Peýdaly tanyşlyklaryň bolmagy örän ähtimaldyr. Siziň hünär bähbitleriňizi ýa-da gyzyklanmalaryňyzy paýlaşýan adamlar bilen umumy dili tapmagyň örän aňsatdygyna göz ýetirersiňiz. Şeýle adamlar bilen ýakyndan tanyşmak mümkinçiligini elden gidirmäň: olaryň arasynda diňe bir gyzykly söhbetdeşler däl, eýsem gymmatly işewür hyzmatdaşlar hem bolup biler.Iň möhüm maksatlaryňyzyň birine has-da ýakynlaşmak üçin amatly pursat dörer. Belki, siz tejribeli bir adamdan kömek alarsyňyz, zerur maglumatlary taparsyňyz ýa-da öňden tanyş wezipeleri çözmäge täzeçe çemeleşersiňiz. Bu ädimleriň ählisi örän netijeli bolar.Güniň ikinji ýarymynda saparlar we syýahatlar şowly geçer: ýol sizi ýadatmaz, gurşawyň üýtgemegi bolsa diňe bähbidiňize bolar. Şeýle-de, bu gün täze gyzyklanmalary ýa-da hobbi edinmek üçin mümkinçilik berip biler. Ozal kän bir üns bermedik zadyňyz birden sizi çynlakaý gyzyklandyryp başlar.
Kowus (keman 23.11 — 21.12)
Indi tutanýerli hereket etmegiň wagty geldi. Eger siz eýýämden bäri möhüm bir işi meýilleşdiren bolsaňyz, ony mundan beýläk yza süýşürmegiň geregi ýok. Saýlan ugruňyz boýunça mümkin boldugyça irräk hereket edip başlaň we gysga wagtyň içinde sizi kanagatlandyrjak ilkinji netijeleri alarsyňyz. Gazanylan üstünlik size ylham berer we öňe gitmek üçin täze güýç peşgeş eder.Adatdaky gündelik işleriňiz hem has ýeňil bolar. Güniň ikinji ýarymynda pul serişdeleriniň gelip gowuşmagy ähtimaldyr. Köne bergileriňiziň yzyna gaýtarylmagy ýa-da öň bitiren işleriňiz üçin hak tölenmegi mümkindir. Maliýe meselelerini çözmek üçin gün örän amatly bolar: siz ünsli bolarsyňyz, hiç bir zady gözden düşürmersiňiz we ýagdaýa dogry baha berip bilersiňiz.Ýaş Kowuslar şahsy gatnaşyklarynda ilki başda garaşylmadyk ýaly görünjek üýtgeşmelere duş gelip bilerler. Emma örän gysga wagtyň içinde bu üýtgeşmeleriň hakykatdan hem gowy zatlara alyp barýandygy aýdyn bolar.
Jedi (owlak 22.12 — 20.01)
Ünsli boluň. Edil başgalaryň gözünden düşen ownuk jikme-jiklikleri saýgaryp bilmek ukybyňyz saýasynda, bu gün işleriňizde uly öňegidişlik gazanarsyňyz. Islendik karar kabul edeniňizde, mümkin boldugyça köp maglumat toplamaga we ähli ýagdaýlary göz öňünde tutmaga çalşarsyňyz. Bu bolsa köp sanly çynlakaý ýalňyşlyklaryň öňüni almaga mümkinçilik berer.Işewürlik nukdaýnazaryndan şowly gün bolar. Uly gerimli we jogapkärli wezipelere arkaýyn girişip bilersiňiz. Möhüm gepleşikler hem örän netijeli geçer. Söhbetdeşleriňiz konstruktiw garaýyşda bolarlar, siziň delilleriňiz ynandyryjy ýaňlanar, gazanylan ylalaşyklar bolsa özara bähbitli bolar.Şeýle hem örän oňat ideýalaryň dörömegi ähtimaldyr. Hatda meýilleşdiren zadyňyzy durmuşa geçirmek kyn ýaly görünse-de, olardan ýüz öwürmäň we soňa goýmaň. Kelläňize gelen ähli zatlary belläp alyň we asuda oýlanyň: bu niýetleriň arasynda durmuşyňyzy gowulyga tarap üýtgedip biljek pikirler hem bolup biler. Bu gün köne meýilnamalaryňyzy durmuşa geçirmek üçin ilkinji ädimi ätmäge örän amatlydyr we bu durmuşyň ähli ugurlaryna degişlidir.
Daluw (gowa 21.01 – 20.02 )
Bu gün sizi begendirmegi wada berýär. Oňyn täsirler aýratyn hem maliýe pudagynda has aýdyň duýular. Garaşylmadyk pul geljegi ýa-da peýdany wada berýän teklipleriň bolmagy ähtimaldyr. Olara ünsli çemeleşiň we adatdan daşary ýa-da nätanyş görünýän zatlardan ýüz öwürmäň. Işewürlik çözgüdinde örän uly mümkinçilikleriň açylmagy gaty güman, hatda käbir Daluwlar üçin bu gün biraz “iç gysgynç” hem görünip biler. Köne bäsdeşleriňizi ýeňmek ýa-da başgalaryň başarmadyk işlerinde uly üstünlik gazanmak ähtimallygy pesdir. Emma muňa derek, gündelik wezipeleri we guramaçylyk meselelerini asuda çözüp, tertip-düzgün ýola goýup we häzirki işleri ara alyp maslahatlaşyp bilersiňiz.Güniň ikinji ýarymynda şahsy gatnaşyklarda gowulyga tarap üýtgeşmeleriň bolmagy mümkindir. Eger soňky wagtlarda kimdir biri bilen düşünişmek kyn bolan bolsa, bu gün şol adam bilen umumy dili tapmaga pursat dörer. Käbir Daluwlar öýkeleşen adamlary bilen ýaraşarlar ýa-da öň özleri üçin örän möhüm bolan gatnaşyklary dikelderler.
Hut (balyk 21.02 — 20.03)
Ýagdaýlar nähili bolup geçse-de, öz güýjüňize bolan ynamyňyzy saklaň: bu size üstünlige ýetmäge kömek eder. Gün garaşylyşy ýaly birsydyrgyn başlanman biler, ýüze çykýan kynçylyklary ýeňip geçmek üçin ep-esli sabyrlylyk we tutanýerlilik talap ediler. Emma kiçijik bökdençlikleriň sizi ýoldan urmagyna ýol bermäň: örän gysga wagtyň içinde ýagdaý üýtger we siz edil tama eden netijäňizi alarsyňyz. Esasy zat hatda ilki başda bir zatlar tersine gidýän ýaly görünse-de, öňe süýşmegi dowam etdirmekdir.Şeýle hem bu gün öý işleri üçin örän amatlydyr. Hatda kiçijik üýtgeşmeler hem gurşawy täzelär we täzelik hem-de rahatlyk duýgusyny döreder. Eger siz has çynlakaý zatlary, meselem, düýpli abatlaýyşy ýa-da jaýyň gurluşyny üýtgetmegi meýilleşdirýän bolsaňyz, meýilnama düzüp bilersiňiz.Güniň ikinji ýarymynda maliýe meselelerine degişli ähli zatda seresap boluň. Az-kem meýilleşdirilmedik çykdajylaryň bolmagy mümkin we pul garaşanyňyzdan biraz çalt sarp edilip biler. Emma binjalyk bolmaga degmez: bu wagtlaýyn ýagdaýdyr we tiz wagtdan girdejileriňiz artyp, bu günki ýitgileriň öwezini dolup biler.
Hormatly okyjylarymyz!
Üns beriñ! Eger-de araňyzda daşary ýurtda bilim almak isleýänleriňiz bar bolsa, şeýle hem Türkiýä wiza almak isleýän bolsaňyz, resminamalar toplumynyň terjimesi üçin “Makul Hyzmat” Terjime Merkezine ýüz tutup bilersiňiz. Onuň salgysy: Aşgabat şäheri, Ankara köçe 25, (Aýtakow-Ýubileýniý), A Blok, 401
Habarlaşmak üçin…. +993 63 78-96-73, 96-48-55
E: Mail : makulhyzmat@gmail.com