Hytaý Halk Respublikasynyň Başlygy Si Szinpin hormatly Prezidentimize hat iberdi. Şol hatda HHR-iň Başlygy hytaý-türkmen hyzmatdaşlygynyň ösdürilmegine uly üns berýändigini belläp geçipdir.
Hytaýyň ýolbaşçysynyň hatynda hususan-da şeýle diýilýär:
– Hytaý Halk Respublikasynyň döredilmeginiň 72 ýyllygy mynasybetli iberen gutlag hatyňyz üçin tüýs ýürekden hoşallygymy beýan edýärin.
Hytaý hem-de Türkmenistan dostlukly ýurtlar we strategik hyzmatdaşlardyr. Şu ýylyň maýynda biz hytaý-türkmen gatnaşyklarynyň dürli ugurlary boýunça telefon gepleşigini üstünlikli geçirdik hem-de pikir alyşdyk, esasy ugurlarda hyzmatdaşlygy ösdürmek boýunça ylalaşyk gazandyk.
Men hytaý-türkmen hyzmatdaşlygynyň ösdürilmegine uly üns berýärin hem-de Siziň bilen netijeli işe we dostlukly gatnaşyklara ýokary baha berýärin. Biziň ýurtlarymyzyň hem-de halklarymyzyň bähbidine ikitaraplaýyn gatnaşyklary täze derejä çykarmak üçin bilelikde umumy tagallalary etmäge taýýardyryn.
16-njy oktýabr ýyldyzlar näme diýýär? Gündelik Täleýnama