Mälim bolşy ýaly, Ýaponiýanyň Premýer-ministri Fumio Kisida 9-12-nji awgust aralygynda Gazagystanda, Özbegistanda we Mongoliýada saparda bolmagy meýilleşdiripdi. Gazagystanda bolsa, «Merkezi Aziýa – Ýaponiýa» dialogynyň birinji sammitini geçirmek göz öňünde tutulypdy.
Ýöne Ýaponiýanyň adalarynda güýçli ýertitreme hadysasynyň ýüze çykmak töwekgelçiligi sebäpli Ýaponiýanyň Premýer-ministri Fumio Kisida bu ýurtlara amala aşyrjak saparyny ýatyrmak kararyna geldi. Bu barada ýapon Premýer-ministriniň hut özi habarçylar bilen bolan metbugat ýygnagynda belläp geçdi.
Şeýle hem ýurduň “Kyodo” resmi habarlar gullugy hem bur barada habar berdi.
– Merkezi Aziýa we Mongoliýa saparlary ýatyrmak barada karara gelindi – diýip, Kisida belläp geçdi. Ol geljek hepdelerde güýçli ýertitreme hadysasynyň ýüze çykmak mümkinçiligini göz öňünde tuutp, bu ýagdaýa taýýarlyk görmek üçin tagalla ediljekdigini aýtdy.
Mälim bolşy ýaly , 8-nji awgustda ýurduň günorta-günbatarynda 7,1 derejesinde güýçli ýertitreme hadysasy boldy.